4 февраль куни тахминан соат 17:00 да Олмазор тумани Тошкент ҳалқа автомобиль йўлида «Шифокор» спорт комплекси қаршисида йўл-транспорт ҳодисаси рўй берди. Бу ҳақда Тошкент шаҳар ИИББ матбуот хизмати хабар берди.
Shacman юк автомобили ҳайдовчиси 43 ёшли И.Т. 39 ёшли А.А. бошқарган Yamaha русумли мотоцикл билан тўқнашган. ЙТҲ натижасида мотоцикл ҳайдовчиси тан жароҳатлари билан тиббий муассасага етказилди.
Шу куннинг ўзида мотоцикл иштирокида яна бир йўл-транспорт ҳодисаси ҳар рўй берди: мотоцикл ва енгил автомобиль иштирокидаги кичик тўқнашув оқибатида ҳеч ким жароҳатланманган.
«Ҳурматли йўл ҳаракати иштирокчилари! Йил сайин пойтахтда мотоцикл, мопед ва скутерлар сони ошиб бормоқда. Сиздан ушбу омилни инобатга олишни, кўринмайдиган ҳудудларга етарлича эътибор қаратишни ва бурилиш (манёвр)ларни йўл ҳаракати қоидаларига риоя қилган ҳолда амалга оширишни сўраб қоламиз», — дейилади хабарда.
Изоҳ (0)