«Xabar.uz» нашри блогер Мусанниф Адҳамнинг Facebook’даги саҳифасига таяниб, Ўзбекистон мусулмонлари идораси ҳузуридаги «Вақф» хайрия жамоат фонди раиси Искандар Халилов мазкур блогер устидан ички ишлар идорасига арз қилгани ҳақида хабар берди.
Хабарда айтилишича, Искандар Халилов ўз аризасида фонд ўтган йиллар давомида сўнгги вақтларда айрим ижтимоий тармоқларда унинг фаолиятига бирор-бир асосларсиз, шахсни шарманда қилувчи уйдирмалар тарқатилаётганини билдирган.
Қайд этилишича, фонд раҳбари гапига асос сифатида 2019 йилнинг 30 октябрь куни Facebook ижтимоий тармоғида Мусанниф Адҳам фонд ва унинг раҳбарига нисбатан шахсни шарманда қилувчи маълумотлар тарқатганини айтган. Буни аҳоли ўртасида фонд фаолиятига нисбатан нотўғри фикрлар ва қарашлар юзага келаётганига сабаб тариқасида кўрсатган ҳамда Мусанниф Адҳамнинг шахсини аниқлаб, унга нисбатан чора кўришни сўраган
«Вақф» хайрия жамоат фонди мазкур хабарга муносабат билдирди.
Фонд томонидан маълум қилинишича, бундай мазмундаги хат «Вақф» хайрия жамоат фонди томонидан ички ишлар идораларига берилмаган.
Таъкидланишича, «Вақф» фонди раҳбарининг барча хатлари махсус бланкда чоп этилиб, имзо ва муҳр билан тасдиқланади ҳамда рўйхатга олинади.
Шунингдек, «Вақф» фонди Адлия вазирлиги томонидан иқтисодий-молиявий ҳужжатлар бўйича текширилаётгани ҳақидаги маълумотни ҳам рад этган.
Изоҳ (0)