“Xabar.uz” nashri bloger Musannif Adhamning Facebook’dagi sahifasiga tayanib, O‘zbekiston musulmonlari idorasi huzuridagi “Vaqf” xayriya jamoat fondi raisi Iskandar Xalilov mazkur bloger ustidan ichki ishlar idorasiga arz qilgani haqida xabar berdi.
Xabarda aytilishicha, Iskandar Xalilov o‘z arizasida fond o‘tgan yillar davomida so‘nggi vaqtlarda ayrim ijtimoiy tarmoqlarda uning faoliyatiga biror-bir asoslarsiz, shaxsni sharmanda qiluvchi uydirmalar tarqatilayotganini bildirgan.
Qayd etilishicha, fond rahbari gapiga asos sifatida 2019-yilning 30-oktabr kuni Facebook ijtimoiy tarmog‘ida Musannif Adham fond va uning rahbariga nisbatan shaxsni sharmanda qiluvchi ma’lumotlar tarqatganini aytgan. Buni aholi o‘rtasida fond faoliyatiga nisbatan noto‘g‘ri fikrlar va qarashlar yuzaga kelayotganiga sabab tariqasida ko‘rsatgan hamda Musannif Adhamning shaxsini aniqlab, unga nisbatan chora ko‘rishni so‘ragan
“Vaqf” xayriya jamoat fondi mazkur xabarga munosabat bildirdi.
Fond tomonidan ma’lum qilinishicha, bunday mazmundagi xat “Vaqf” xayriya jamoat fondi tomonidan ichki ishlar idoralariga berilmagan.
Ta’kidlanishicha, “Vaqf” fondi rahbarining barcha xatlari maxsus blankda chop etilib, imzo va muhr bilan tasdiqlanadi hamda ro‘yxatga olinadi.
Shuningdek, “Vaqf” fondi Adliya vazirligi tomonidan iqtisodiy-moliyaviy hujjatlar bo‘yicha tekshirilayotgani haqidagi ma’lumotni ham rad etgan.
Izoh (0)