Россиянинг Томск вилоятидаги ётоқхонада юз берган ёнғин оқибатида ҳалок бўлганлар сони 11 кишига етди, дея хабар бермоқда Ўзбекистон Фавқулодда вазиятлар вазирлиги. Ҳодиса оқибатида жами 12 киши ҳалок бўлган.
Ҳалок бўлган 11 кишининг шахси фожианинг биринчи кунидаёқ аниқланган эди — уларнинг 10 нафари ўзбекистонлик ва бир нафари Россия фуқароси эди. Изчил ўрганиш давомида яна бир қурбоннинг шахси аниқланди — у андижонлик, 1976 йилда туғилган Музаффаржон Мамажонов бўлиб чиқди.
Россия Тергов қўмитаси ахборотига кўра, ҳалок бўлганларнинг бари, дастлабки маълумотларга кўра, «Грин Вуд» компанияси ишчилари бўлган. Юз берган ҳодиса сабабларини аниқлаш устида иш олиб борилмоқда.
ФВВдан маълум қилишларича, шахсни таниш жараёнлари якунига етганидан сўнг, ҳалок бўлганларнинг жасадларини Ватанга олиб келиш учун Тошкентдан Томск вилоятига махсус борт учади.
Президент Шавкат Мирзиёев фармойиши билан фожиа сабабларини аниқлаш ҳамда қурбонлар ва жабрланувчиларнинг оилаларига ёрдам кўрсатиш бўйича ҳукумат комиссияси тузилган эди.
Изоҳ (0)