Rossiyaning Tomsk viloyatidagi yotoqxonada yuz bergan yong‘in oqibatida halok bo‘lganlar soni 11 kishiga yetdi, deya xabar bermoqda O‘zbekiston Favqulodda vaziyatlar vazirligi. Hodisa oqibatida jami 12 kishi halok bo‘lgan.
Halok bo‘lgan 11 kishining shaxsi fojianing birinchi kunidayoq aniqlangan edi — ularning 10 nafari o‘zbekistonlik va bir nafari Rossiya fuqarosi edi. Izchil o‘rganish davomida yana bir qurbonning shaxsi aniqlandi — u andijonlik, 1976-yilda tug‘ilgan Muzaffarjon Mamajonov bo‘lib chiqdi.
Rossiya Tergov qo‘mitasi axborotiga ko‘ra, halok bo‘lganlarning bari, dastlabki ma’lumotlarga ko‘ra, “Grin Vud” kompaniyasi ishchilari bo‘lgan. Yuz bergan hodisa sabablarini aniqlash ustida ish olib borilmoqda.
FVVdan ma’lum qilishlaricha, shaxsni tanish jarayonlari yakuniga yetganidan so‘ng, halok bo‘lganlarning jasadlarini Vatanga olib kelish uchun Toshkentdan Tomsk viloyatiga maxsus bort uchadi.
Prezident Shavkat Mirziyoyev farmoyishi bilan fojia sabablarini aniqlash hamda qurbonlar va jabrlanuvchilarning oilalariga yordam ko‘rsatish bo‘yicha hukumat komissiyasi tuzilgan edi.
Mavzuga doir:
Izoh (0)