Расман: «Реал» футболчиси «Бавария»га ўтди

Мадриднинг «Реал» клуби ҳимоячиси Альваро Одриосоло мавсумнинг қолган қисмини Мюнхеннинг «Бавария»сида давом эттирадиган бўлди. Бу ҳақда мюнхенликлар расмий сайти хабар берди.

Альваро 2020 йил ёзига қадар ижара асосида «Бавария» сафида тўп суради. Немислар футболчини тўлиқ сотиб олиш ҳуқуқини қўлга кирита олмаган. «Реал» ушбу ҳуқуқни ўзида қолдиришга қарор қилган. Одриосола «Бавария» сафида 2-рақам остида ҳаракат қилади.

24 ёшли футболчи жорий мавсум Ла Лига доирасида тўртта ўйин ўтказганди.