Халқ демократик партияси аъзоси Нурдинжон Исмоилов Олий Мажлис Қонунчилик палатаси спикери этиб сайланди. «Депутатлар Нурдинжон Исмоилов номзодини ёқлаб овоз берди», — дея хабар бермоқда Олий Мажлис Қонунчилик палатасининг сайловдан кейинги илк мажлисида қатнашаётган «Дарё» мухбири Миролим Исажонов.

Фото: Telegram

Ўз навбатида, Олий Мажлис Қонунчилик палатаси тарихида илк бор спикернинг биринчи ўринбосари лавозими жорий қилиниб, унга «Миллий тикланиш» партияси аъзоси Акмал Саидов сайланди. Мажлисда қатнашаётган 150 нафар депутатдан 147 нафари салкам 20 йиллик депутатлик тажрибасига эга Акмал Саидов номзодини ёқлаб овоз берган.

Фото: Telegram

Шунингдек, яширин овоз бериш йўли билан спикернинг яна беш ўринбосари ҳам сайланган. Ушбу лавозимларни, кутилганидек, Олий Мажлисга сайланган беш партия етакчилари — Актам Ҳайитов (ЎзЛиДеп, 149 та овоз), Алишер Қодиров («Миллий тикланиш», 145 та овоз), Наримон Умаров («Адолат» СДП, 146 та овоз), Улуғбек Иноятов (ЎзХДП, 137 та овоз), Борий Алихонов (Экопартия, 139 та овоз) эгаллади.

Фото: Мадина Нурман / «Дарё»

Хабар тўлдирилмоқда