Бекободда дарахтлар кесилишига йўл қўйиб ўсимлик дунёсига бир миллиард сўмдан ортиқ зарар етказилгани аниқланди
Экология ва атроф муҳитни муҳофаза қилсиҳ давлат қўмитаси, экология ва атроф-муҳитни муҳофаза қилиш соҳасида назорат бўйича инспекция қўмитанинг Тошкент вилояти бошқармаси ва инспекциянинг Бекобод шаҳар ҳудудий инспекцияси фуқаро мурожаатига асосан Бекобод давлат ўрмон хўжалигининг «Ширинсой» ўрмон бўлимида ўрганиш ва текширишлар ўтказган. Ўтказилган текширувларда аниқланган қоидабузилишлар ҳақида «Дарё» мухбири Мусулмонбек Иброҳимов хабар берди.
Аниқланишича, «Ширинсой» ўрмон бўлимида жами 162 туп манзарали дарахтлар кесиб ташланган ва ушбу ҳаракатлар орқали «Ўсимлик дунёсини муҳофаза қилиш ва ундан фойдаланиш тўғрисидаги» қонуннинг 32, 37-моддалари ва «Ўрмон тўғрисидаги» қонуннинг 32-моддаси талабларига зид равишда Бекобод давлат ўрмон хўжалиги директори С.Э. томонидан ўсимлик дунёсига 1 252 791 700 (бир миллиард икки юз эллик икки миллион етти юз тўқсон бир менг етти юз) сўм миқдорида зарар етказилган.
Мавзуга доир:
- «Муаммо — мутасаддиларда». Сирдарё ҳокими Ғофуржон Мирзаев дарахт кесишга рухсат берувчи кадрлар масаласини қайта кўриб чиқишни таклиф қилди
- Сенат: Охирги уч йилда дарахтларни кесиш қарийб 60 фоизга ортган. Ўрмон хўжалиги органларининг мансабдорлари ҳам дарахтни ноқонуний кесмоқда
- Тошкентда Экология қўмитаси кесишга рухсат бермаган чириган дарахт Gentra устига қулади (фото, видео)
Айбдорларга қонуний жазо чораси кўриш мақсадида тўпланган маълумотлар ва ҳужжатлар Тошкент вилояти прокуратурасига юборилган.
