Tailandda 23 yoshli futbolchilar o‘rtasida 8-yanvar, chorshanba kuni Osiyo Chempionati—2020 musobaqasi start oladi.
Tarixda to‘rtinchi bor o‘tkazilayotgan mazkur musobaqada O‘zbekiston terma jamoasi ham ishtirok etadi. Bu safar o‘zbekistonliklar amaldagi chempion maqomida musobaqada qatnashadi.
Jami 16 jamoa to‘rtta guruhga bo‘lingan holda kurash olib boradi, yakunda uchta sovrinli o‘rinlarni qo‘lga kiritgan jamoalar Tokio—2020 Olimpiadasiga yo‘llanmani qo‘lga kiritadi.
O‘zbekiston U23 terma jamoasi C guruhidan joy olgan va chorak final yo‘llanmasi uchun Janubiy Koreya, Xitoy va Eron olimpiya terma jamoalari bilan kurash olib boradi.
8-yanvar kuni, Toshkent vaqti bilan 15:15 da boshlanadigan Tailand — Bahrayn uchrashuvi musobaqani ochib beradi. Lyubinko Drulovich shogirdlari esa o‘z yurishlarini 9-yanvar, payshanba kuni Eronga qarshi bahs bilan boshlaydi.
Quyida O‘zbekiston U23 terma jamoasi ishtirok etadigan guruhdagi o‘yinlar anonsi bilan tanishing:
U23 Osiyo chempionati—2020
Guruh bahslari
9-yanvar, payshanba
15:15. O‘zbekiston — Eron
18:15. Janubiy Koreya — Xitoy12-yanvar, yakshanba
15:15. Eron — Janubiy Koreya
18:15. Xitoy — O‘zbekiston
15-yanvar, chorshanba18:15. O‘zbekiston — Janubiy Koreya
18:15. Xitoy — EronYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)