Ўзбекистон ва Қорақалпоғистон халқ артисти Юлдуз Усмонова «Дарё» интернет-нашри учун эксклюзив интервью берди. Интервьюни журналист Феруз Муҳаммад ташкиллаштирди.
Юлдуз Усмонова «Алдади» деб номланган видео клипида қўлига йўлбарснинг расми туширилган ҳолатда кўриниш берган.
Юлдуз Усмонова суҳбат давомида ушбу ҳолатга изоҳ берди.
https://youtu.be/m8WIVelfBJA?t=1h24m4s
Бу татуировка, наклейка эмас. Голландияда яшаб юрганимда бу татуировкани қилдиргандим. Ҳалигача олдириб ташлолмадим. Татуировка қилмоқчи бўлганлар бунақа қилманглар. Бу жуда ёмон, ярамас нарса экан. Ҳар ой ит азобида лазерга бориб келаман. Қаерга борсам, шу ҳақда сўраяпман, афсуски, ҳозирча бундан қутулиш учун шу лазердан бошқа ҳеч нарса чиқмабди.Юлдуз Усмонова ўзбек шоу-бизнесида танасига татуировка чиздирган ягона санъаткор эмас. Актёр ва продюсер Алихан ҳам бу борада ёшлик қилиб қўйганлардан биридир.Йўлбарснинг ҳам ярми кетиб, хиралашиб турибди. Бу нарса хато. Ўша пайтларда ёнимда ҳеч кимим йўқ эдию, то бахтимни топгунимча нечта турмушга чиқдим. Неча қоқилиб, неча марта турдим. Олдинга қараб интилавердим. Шу татуировкани ҳам аҳмоқгарчилик пайтида қилган эканман. Татуировка қилмоқчи бўлганлар, шуни қилманглар, бу аҳмоқгарчилик.
Мени қилган хатойим ибрат бўла олса, шу ишни қилманглар. Бошингда турадиган катта бўлмаса ҳам қийин экан. Аллоҳга шукр, шу кунларгача омон-эсон етиб келдим.
Юлдуз Усмонова, Ўзбекистон ва Қорақалпоғистон халқ артисти
У интервьюларидан бирида қўлига чиздирган татуировка ҳақида «Бу нарсани ўчирғич олиб, ўчириб ташлаб бўлмас экан. Аммо вақти келиб татуировкани ўчиришга ваъда бераман», деб айтган эди.
Ўзбекистон халқ артисти Юлдуз Усмонова суҳбат давомида ўн йил давомида «запрет»да юришига сабаб бўлган воқеалар, Гулнора Каримова ва «Гулисан» қўшиғи атрофидаги гап-сўзларга ҳам изоҳ бериб ўтган.
Изоҳ (0)