Япониядаги кўргазмада дунёдаги энг митти автоуй намойиш этилди

Япония бўлиб ўтган ғилдиракдаги уйлар кўргазмасида дунёдаги энг кичик яшаш мумкин бўлган автомобиль намойиш этилди. Бу ҳақда Motor хабар бермоқда.

AZ-MAX k-ai модели Daihatsu Hijet автомобили базасида яратилган. Ихчам ўлчамларига қарамай (бўйи 187 сантиметр бўлган мухбир автомобилни узуначасига деярли қучоғига сиғдира олди), унда бирйўла 4 киши жойлашиши мумкин.

Пастда икки ўринли каравотга айланадиган диван, кўчма стол ва кран ўрнатилган кичик панел ўрнатилган. Автомобиль моторни ишга туширмай иситиш мумкин бўлган кучли батарея ва сувли бак билан жиҳозланган.

Машина томи кўтарилади ва шунинг ҳисобига унинг ичида бор бўйи билан юриш мумкин. Шунингдек, иккинчи ярусда яна икки киши жойлашиши мумкин бўлган кўчма матрас бор.

Автоуй олдинги ва тўлиқ узатмали бўлиши мумкин. Мотор ҳажми бир литрдан кичик, атиги 660 куб. Унинг нархи 25 минг доллар атрофида эканлиги айтилмоқда.

https://youtu.be/Pk6sDnS7jDE