«Ўзбекистон ҳаво йўллари» МАК об-ҳаво шароити ёмонлашгани сабаб Тошкентдан Урумчига парвоз қилган самолёт аэропортга қайтаётганини маълум қилди.
«HY-507 қатновини кузатувчилар ва HY 508 қатновини кутиб олувчилар учун маълумот!
Урумчи аэропортида об-ҳаво шароитлари ёмонлашгани сабабли ҳозирги вақтда А-320 ҳаво кемаси Тошкент аэропортига қайтмоқда. «Тошкент—Урумчи» йўналиши бўйича такрорий парвознинг куни ва вақти ҳақида маълумот кейинроқ эълон қилинади», — дейилади хабарда.
«Ўзбекистон ҳаво йўллари» МАК матбуот хизмати самолётнинг аэропортга қайтиши билан боғлиқ бўлган ноқулайликар учун фуқаролардан узр сўрайди.
Аввалроқ Тошкентдан Наманганга учаётган самолёт йўловчилари билан эрталабдан бери сабабсиз ушлаб турилгани ҳақида хабар берилганди. Кейинроқ «Ўзбекистон ҳаво йўллари» авиакомпанияси бунга об-ҳаво ноқулайлиги сабаб бўлганини билдирган.
Изоҳ (0)