Ўзбекистон мусулмонлари идораси фуқароларнинг диний мавзудаги саволларига жавоб бериш мақсадида Call-марказ фаолиятини йўлга қўйди. Бу ҳақда идора матбуот хизмати хабар берди.
«Муҳтарам юртдошларимизнинг диний саволларига жавоб бериш мақсадида Ўзбекистон мусулмонлари идораси томонидан ибодатга доир шаръий масалаларга телефон орқали жавоб бериш тизими йўлга қўйилди. Эндиликда мўмин-мусулмонларимиз бу борадаги ўз саволларига ушбу Call-марказ орқали жавоб олишлари мумкин.
Call-марказнинг иш тартиби душанба кунидан шанба кунигача, соат 9:00 дан 17:00 гача давом этади (ибодат вақтлари истисно қилинади, дам олиш куни якшанба). Ушбу 78-150-33-44 телефон рақамлари орқали Call-марказга қўнғироқ қилинади ва фатво бўйича малакали мутахассислардан жавоб олинади», — дейилади хабарда.
Изоҳ (1)
Assalom alekum erimdan qorqanim un yolgon gapirdim ortogimikiga borib Xudo xaqi bormadim dib yolgon gapirdim gunoxga botdimi maspaxat berin erim borganimi bilib qob san Xufodan qorqmidigan gunoxorsan yaqinda Xudo uradi sani dib urshdila