O‘zbekiston musulmonlari idorasi fuqarolarning diniy mavzudagi savollariga javob berish maqsadida Call-markaz faoliyatini yo‘lga qo‘ydi. Bu haqda idora matbuot xizmati xabar berdi.
“Muhtaram yurtdoshlarimizning diniy savollariga javob berish maqsadida O‘zbekiston musulmonlari idorasi tomonidan ibodatga doir shar’iy masalalarga telefon orqali javob berish tizimi yo‘lga qo‘yildi. Endilikda mo‘min-musulmonlarimiz bu boradagi o‘z savollariga ushbu Call-markaz orqali javob olishlari mumkin.
Call-markazning ish tartibi dushanba kunidan shanba kunigacha, soat 9:00 dan 17:00 gacha davom etadi (ibodat vaqtlari istisno qilinadi, dam olish kuni yakshanba). Ushbu 78-150-33-44 telefon raqamlari orqali Call-markazga qo‘ng‘iroq qilinadi va fatvo bo‘yicha malakali mutaxassislardan javob olinadi”, — deyiladi xabarda.
Izoh (1)
Assalom alekum erimdan qorqanim un yolgon gapirdim ortogimikiga borib Xudo xaqi bormadim dib yolgon gapirdim gunoxga botdimi maspaxat berin erim borganimi bilib qob san Xufodan qorqmidigan gunoxorsan yaqinda Xudo uradi sani dib urshdila