WhatsApp мессенжери эндиликда Windows Phone операцион тизими ҳамда эскирган Android ва iOS версияларида ишламайди, деб хабар берди Daily Mail.
2019 йил 31 декабрдан кейин Windows Phone’да хабарлар алмашинуви сервиси ўчади. Android 2.3.7. ва iOS 8 операцион тизимида ишлайдиган қурилмаларни эса 2020 йил 1 февралдан қўллаб-қувватлаш тўхтатилади. Маълумотларга кўра бу миллионлаб фойдаланувчиларга таъсир кўрсатади.
Мессенжер Android 4.0.3 ва iOS 9’дан бошланадиган операцион тизимларда ишлайди. Компаниядагиларнинг айтишича, мазкур чекловлар «келгусида дастур имкониятларини кенгайтиришнинг иложи йўқлиги» билан боғлиқ.
Мавзуга доир: Марк Цукерберг WhatsApp ва Instagram’ни алоҳида ажратиб юбориш тўғрисидаги таклифга муносабат билдирди
Изоҳ (0)