Футбол бўйича Англия Премьер лигаси 16-турининг сўнгги учрашувида 9 декабрь, душанба куни Лондоннинг икки клуби — «Арсенал» ҳамда «Вест Ҳэм» ўзаро кураш олиб борди.
Беллашув давомида мезбон жамоа ҳимоячиси Анжело Огбонна (38) томонидан урилган голга «тўпчилар» Габриэль Мартинелли (60), Николя Пепе (66) ва Пьер-Эмерик Обамеянг (69)нинг голлари билан жавоб қайтарди.
Шу тариқа «Арсенал» меҳмонда «Вест Ҳэм» устидан 3:1 ҳисобида ғалаба қозонди ва муҳим 3 очкога эга бўлди.
Мазкур ғалабадан сўнг «Арсенал» очколари сонини 22 тага етказиб, мусобақа жадвалида 9-ўринга кўтарилди. «Вест Ҳэм» эса 16 очко билан 16-поғонада бормоқда.
16-турдан сўнг мусобақа жадвалидаги ҳолат:
АПЛ
16-тур баҳси
«Вест Ҳэм»—«Арсенал» 1:3
Голлар: 1:0 — 38 Огбонна, 1:1 — 60 Мартинелли, 1:2 — 66 Пепе, 1:3 — 69 Обамеянг«Вест Ҳэм»: Мартин, Фредерикс, Бальбуэна, Крессуэлл (Масуаку, 51), Огбонна, Снодграсс (Ҳолланд, 78), Райс, Антонио, Нобл, Фелипе Андерсон (Аллер, 70), Форнальс
«Арсенал»: Лено, Чемберс, Тирни (Колашинац, 29), Папастатопулос, Мэйтленд-Найлз, Жака (Гундузи, 86), Торрейра, Пепе (Нелсон, 88), Ўзил, Мартинелли, Обамеянг
Огоҳлантиришлар: Снодграсс (24), Крессуэлл (49)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)