2019 йил 30 ноябрь куни Ўзбекистон Ёшлар Иттифоқи биносида Ucell ва IT Park томонидан ташкиллаштирилган Ucell Mobile Challenge 2019 мобил иловалар ишлаб чиқиш танловининг ғолибларини тантанали тақдирлаш маросими бўлиб ўтди.
Танлов ғолиблари қуйидагилар бўлди:
- 1-ўрин – (300 млн сўм) Ucell Cashback System – абонентлар билан алоқада бўлишга ёрдам берувчи тўлов иловаси функсионалига эга кешбек-платформа;
- 2-ўрин – (200 млн сўм) IZY – ижтимоий тармоқлардаги фаолликни менетизация қилиш имконига эга онлайн-агрегатор;
- 3-ўрин – (100 млн сўм) Retail Research – бизнес-жараёнларни такомиллаштириш учун тезкор ва қулай жиҳоз.
Ғолиб жамоалардан ҳар бири билан шартномалар тузилади ва улар асосида лойиҳалар асосчилари 3 ой мобайнида ўз маҳсулотларини якунига етказиб, мазкур иловаларнинг ишга туширилишида ҳамда кейинчалик амалиётга жорий қилинишида иштирок этишлари лозим бўлади.
Эслатиб ўтамиз, Ucell Mobile Challenge 2019 – бу мобил иловалар ишлаб чиқиш бўйича IT Park ва Ucell томонидан ташкиллаштирилган, соврин жамғармаси 600 млн сўмга тенг танлов бўлиб, қуйидаги асосий йўналишларни қамраб олган:
● Савдо иловаси;
● Мамлакат меҳмонлари ва аҳолиси учун фойдали илова;
● Финтеч соҳаси иловаси.
Танловнинг бош мақсади – стартап-лойиҳаларни қўллаб-қувватлаш, Ўзбекистон ёшлари орасида АКТ соҳаси тараққиётига ҳисса қўшиш, инновацион ечимларни жорий қилиш, IT-ечимлар ишлаб чиқишга истиқболи порлоқ мутахассисларни, шу жумладан талабаларни жалб этишдир.
Компаниялар ҳақида маълумот.
«Coscom» МЧЖ (Ucell савдо белгиси)
Компания 1996 йил апрелда ташкил этилган.
Ўзининг бутун фаолияти мобайнида Ucell компанияси ўз абонентлари учун янги таклифлар ишлаб чиқишга ва компания хизматлари Ўзбекистоннинг энг чекка ҳудудларидаги аҳолига ҳам етиб бориши учун тармоқ қамровини янада кенгайтириб боришга алоҳида аҳамият қаратади.
2018 йил декабрь ойида мулкчилик ўзгарганидан буён ўтган давр ичида жамоа бир қатор ижобий натижаларга эришди.
Ucell Компанияси мамлакатдаги энг йирик уяли алоқа операторларидан бири бўлиб, Компания томонидан жорий этилаётган замонавий технологиялар ёрдамида энг яхши ҳаёт сифати ҳамма жойга ва ҳар кимга етиб боришини таъминлашга интилади.
Истиқболли стартап-лойиҳаларни, шу жумладан илмий ва илмий-маърифий ташкилотларни интеграциялаш ҳисобига ишга тушириш ва бозорга олиб чиқишни таъминлашга мўлжалланган объектлар, иншоотлар ва қурилмалар мажмуи. Фаол, истеъдодли кишилар иқтисодий, ҳуқуқий, маркетинг ва илмий-маърифий қўллаб-қувватлаш эвазига ўз ғояларини ҳақиқий бизнес-лойиҳалар даражасига олиб чиқишлари учун реал имкониятга эга бўладиган жой.
Изоҳ (0)