Қозоғистондан 2019 йилнинг дастлабки 10 ойида хорижга жами 540,4 миллиард тенге (қарийб 1,4 миллиард доллар) халқаро пул ўтказмалари амалга оширилди. Мазкур пул маблағларининг 53 фоизи Россия ва Ўзбекистонга юборилган. Бу ҳақда «Finprom.kz» хабар берди.
2019 йилнинг январь—октябрь ойларида Қозоғистондан Россияга 171,9 миллиард тенге (443,6 миллион доллар) пул жўнатилган. Мазкур давр мобайнида Ўзбекистонга 119,6 миллиард тенге (308 миллион доллар) миқдорида пул ўтказмалари амалга оширилган. Бу ўтган йилга нисбатан 24 фоизга кўпроқ.
Кейинги ўринлардан Туркия (75,5 миллиард тенге), Қирғизистон (70,5 миллиард тенге) ва Хитой (28,7 миллиард тенге) жой олган.
Изоҳ (0)