Петербургда ўзбекистонлик эркакни машинада ўрмонга олиб қочиб, калтаклаб, тунаб кетган шахслар 2 декабрь, душанба куни қўлга олинди. «Fontanka.ru»нинг хабар беришича, уларнинг деярли барчаси жабрланган эркакнинг ватандошлари бўлиб, улар орасида аёллар ҳам бор.
Мавзуга доир: Санкт-Петербургда ўзбекистонлик эркак машинада олиб кетилиб, телефон паролини айтмагунча қўйиб юборилмади
Уларнинг барчаси 1 ҳафта аввал 34 ёшли ўзбекистонлик меҳнат муҳожирига ҳужум қилганликда гумонланиб, 2 кунга ҳибсга олинган. Эркак куч билан Lada машинасига ўтқазилиб ўрмонга олиб кетилган. У ерда эркак калтакланган, пичоқ ва тўппонча билан қўрқитилиб, 36 минг рублни банк картасига ўтказишга мажбурланган. Шундан сўнг жабрланган эркак метро бекатларидан бирининг ёнида ташлаб кетилган.
Полицияга жабрланган эркакнинг дўсти мурожаат қилган.
Жиноий қидирув ходимларининг фикрига кўра, қўлга олинган жиноий гуруҳ бу тарздаги жиноятни биринчи марта содир этиши эмас. Уларнинг бошқа жиноятлари аниқланмоқда.
Изоҳ (0)