Футбол бўйича Ўзбекистон Суперлигасининг 25 тури доирасида 27 ноябрь, чоршанба куни барча учрашувлар бўлиб ўтди.
Самвел Бабаян қўл остидаги Тошкентнинг «Локомотив» клуби меҳмонда Наманганнинг «Навбаҳор» жамоасига қарши майдонга тушди.
Беллашувдаги ягона гол 59-дақиқада урилди. Унга «темирйўлчилар» ярим ҳимоячиси Сардор Мирзаев муаллифлик қилди.
Шу тариқа «Локомотив» сафарда кечган баҳсда «Навбаҳор»ни кичик 1:0 ҳисобида мағлубиятга учратди ва 3 очкога эга бўлди.
Мазкур ғалабадан сўнг мусобақа жадвалида 2-ўринда бораётган «Локомотив» очколари сонини 48 тага етказди. «Навбаҳор» эса 31 очко билан 9-ўринда бормоқда.
Тошкент дербисида эса пойтахтнинг икки клуби — «Пахтакор» ҳамда «Бунёдкор» ўзаро баҳсга киришди.
Ўйин давомида «қалдирғочлар» аъзолари Нурилло Тўхтасинов (11), Жавоҳир Қаҳрамонов (24) ҳамда Хуршид Ғиёсов (90) ўз номига биттадан гол ёздириб қўйган бўлса, «шерлар»дан ҳужумчи Игор Сергеев (39, 67) дублга эришди.
Шу тариқа баҳс 3:2 ҳисобида «Бунёдкор»нинг ғалабаси билан якунланди. Таъкидлаш жоиз, «Пахтакор» мавсумдаги дастлабки мағлубиятини қабул қилиб олди.
Маълумот учун, «Пахтакор» 68 очко тўплаган ҳолда мусобақа жадвалида биринчи ўринда бормоқда. «Бунёдкор» эса 42 очко йиғиб 3-поғонани банд қилиб турибди.
Эслатиб ўтамиз, Суперлига жорий мавсум якунланишига ҳамда қуйи лигага йўл оладиган 3 та жамоа номи маълум бўлишига битта тур қолди.
25-тур баҳсларидан сўнг мусобақа жадвалидаги ҳолат:
Суперлига
25-тур баҳслари
27 ноябрь, чоршанба
«Бухоро»—«Металлург» 0:0
ОКМК—«Қизилқум» 4:1
Голлар: 1:0 — 9, пенальти Григалашвили, 1:1 — 15 Вацадзе, 2:1 — 56 Полвонов, 3:1 — 67 Полвонов, 4:1 — 77 Полвонов«Динамо»—«Сурхон» 2:1
Голлар: 1:0 — 66 Насимов, 1:1 — 74 Юсупов, 2:1 — 76 Тошпўлатов«Навбаҳор»—«Локомотив» 0:1
Гол: 0:1 — 59 Мирзаев«Андижон»—«Қўқон-1912» 1:1
Голлар: 0:1 — 44 Рўзиев, 1:1 — 90+4 Маматказин«Пахтакор»—«Бунёдкор» 2:3
Голлар: 0:1 — 11 Нурилло Тўхтасинов, 0:2 — 24 Жавоҳир Қаҳрамонов, 1:2 — 39 Игор Сергеев, 2:2 — 67 Игор Сергеев, 3:2 — 90 Хуршид Ғиёсов«Сўғдиёна»—«Насаф» 1:1
Голлар: 0:1 — 9 Муртазоев, 1:1 — 63 НорхоновЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)