Futbol bo‘yicha O‘zbekiston Superligasining 25 turi doirasida 27-noyabr, chorshanba kuni barcha uchrashuvlar bo‘lib o‘tdi.
Samvel Babayan qo‘l ostidagi Toshkentning “Lokomotiv” klubi mehmonda Namanganning “Navbahor” jamoasiga qarshi maydonga tushdi.
Bellashuvdagi yagona gol 59-daqiqada urildi. Unga “temiryo‘lchilar” yarim himoyachisi Sardor Mirzayev mualliflik qildi.
Shu tariqa “Lokomotiv” safarda kechgan bahsda “Navbahor”ni kichik 1:0 hisobida mag‘lubiyatga uchratdi va 3 ochkoga ega bo‘ldi.
Mazkur g‘alabadan so‘ng musobaqa jadvalida 2-o‘rinda borayotgan “Lokomotiv” ochkolari sonini 48 taga yetkazdi. “Navbahor” esa 31 ochko bilan 9-o‘rinda bormoqda.
Toshkent derbisida esa poytaxtning ikki klubi — “Paxtakor” hamda “Bunyodkor” o‘zaro bahsga kirishdi.
O‘yin davomida “qaldirg‘ochlar” a’zolari Nurillo To‘xtasinov (11), Javohir Qahramonov (24) hamda Xurshid G‘iyosov (90) o‘z nomiga bittadan gol yozdirib qo‘ygan bo‘lsa, “sherlar”dan hujumchi Igor Sergeyev (39, 67) dublga erishdi.
Shu tariqa bahs 3:2 hisobida “Bunyodkor”ning g‘alabasi bilan yakunlandi. Ta’kidlash joiz, “Paxtakor” mavsumdagi dastlabki mag‘lubiyatini qabul qilib oldi.
Ma’lumot uchun, “Paxtakor” 68 ochko to‘plagan holda musobaqa jadvalida birinchi o‘rinda bormoqda. “Bunyodkor” esa 42 ochko yig‘ib 3-pog‘onani band qilib turibdi.
Eslatib o‘tamiz, Superliga joriy mavsum yakunlanishiga hamda quyi ligaga yo‘l oladigan 3 ta jamoa nomi ma’lum bo‘lishiga bitta tur qoldi.
25-tur bahslaridan so‘ng musobaqa jadvalidagi holat:
Superliga
25-tur bahslari
27-noyabr, chorshanba
“Buxoro”—“Metallurg” 0:0
OKMK—“Qizilqum” 4:1
Gollar: 1:0 — 9, penalti Grigalashvili, 1:1 — 15 Vatsadze, 2:1 — 56 Polvonov, 3:1 — 67 Polvonov, 4:1 — 77 Polvonov“Dinamo”—“Surxon” 2:1
Gollar: 1:0 — 66 Nasimov, 1:1 — 74 Yusupov, 2:1 — 76 Toshpo‘latov“Navbahor”—“Lokomotiv” 0:1
Gol: 0:1 — 59 Mirzayev“Andijon”—“Qo‘qon-1912” 1:1
Gollar: 0:1 — 44 Ro‘ziyev, 1:1 — 90+4 Mamatkazin“Paxtakor”—“Bunyodkor” 2:3
Gollar: 0:1 — 11 Nurillo To‘xtasinov, 0:2 — 24 Javohir Qahramonov, 1:2 — 39 Igor Sergeyev, 2:2 — 67 Igor Sergeyev, 3:2 — 90 Xurshid G‘iyosov“So‘g‘diyona”—“Nasaf” 1:1
Gollar: 0:1 — 9 Murtazoyev, 1:1 — 63 NorxonovYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)