Energotizim turg‘unligini saqlab qolish

Sovuq kunlar boshlanib havo haroratining pasayib borishi sababli viloyatimizda iste’molchilarning elektr energiyasiga bo‘lgan talabi kundan kunga ortib bormoqda.Elektr energiyasidan maqsadsiz, ya’ni iste’molchilar tomonidan ularning maishiy ehtiyojlaridan tashqari uylarni isitish, ovqat tayyorlash maqsadlarida foydalanish holatlarining ko‘pligi elektr tarmoqlarining zo‘riqib ishlashiga, oxir-oqibat elektr qurilmalari jihozlarining muddatidan ilgari ishdan chiqishiga natijada elektr ta’minotida tez-tez uzilishlar bo‘lishiga olib kelmoqda.Viloyatimizdagi bir qator sanoat korxonalarini, uy-joy kommunal boshqarmalarini turar joylar, ayniqsa, ko‘p qavatli uylar, kasalxona, maktab, bog‘cha va ko‘plab savdo, ovqatlanish va maishiy xizmat ko‘rsatish shoxobchalarida issiqlik energiyasi ta’minoti to‘g‘ri yo‘lga qo‘yilmaganligi, xonalarni isitishda asosan elektr isitish asboblaridan foydalanilishi amaldagi elektr energiyasi iste’moli miqdorining viloyatimiz ehtiyoji uchun keskin ortib ketishiga sabab bo‘lmoqda.Aslini olganda katta sarf-xarajatlar evaziga elektr stansiyalarda ko‘mir, mazut va gaz yoqilib issiqlik energiyasi elektr energiyasiga aylantirilayotgan bo‘lsa, bizlar aksini qilib elektr energiyasini issiqlik energiyasiga aylantiryapmiz, ya’ni xonalarni isitish va ovqat pishirish uchun sarf qilmoqdamiz.Energotizim turg‘unligini saqlab qolish, elektr tarmoqlarining ortiqcha yuklama rejimida ishlashini oldini olish uchun o‘rnatilgan avtomatikalarni ishlashiga bu esa o‘z navbatida iste’molchilar elektr energiya ta’minotiga uzilishlar bo‘lishiga sabab bo‘lmoqda.

Elektr tarmoqlari ortiqcha yuklamadan zo‘riqib ishlayotgan paytlarda energotizim turg‘unligini saqlab turuvchi maxsus avtomatik qurilmalarining o‘z-o‘zidan inson aralashuvisiz ortiqcha yuklamadan ishlab ketishiga buning natijasida bir qator podstansiya va elektr uzatish tarmoqlarining energotizimdan ajrab qolishiga, bir necha shahar va tumanlarning elektr ta’minotini izdan chiqishiga, ishlab chiqarish korxonalarida esa avariya hatto baxtsiz hodisalar ro‘y berishiga ham olib kelishi mumkin.

Agar olinayotgan va iste’molchilarga uzatilayotgan elektr energiyasi amaldagi qoidalarga rioya qilingan holda faqat maishiy ehtiyojlar uchun tejab-tergab, oqilona foydalanilsa, viloyat iqtisodiyot tarmoqlari uchun ham aholi xonadonlari elektr energiyasi ehtiyoji uchun ham yetarli bo‘lib, elektr energiyasini uzluksiz yetkazilishini ta’minlash mumkin bo‘ladi.Kuz-qish mavsumida elektr energiyasini uzluksiz yetkazilishini ta’minlash hamda yong‘inlarni oldini olish maqsadida iste’molchilarimizdan nostandart qo‘lbola isitgichlardan foydalanilmaslik, elektr energiyasidan oqilona faqat maishiy ehtiyojlar (yoritish maqsadlarida) uchun foydalanishini iltimos qilib qolamiz.

“Andijon hududiy elektr tarmoqlari korxonasi” AJ matbuot xizmati

Reklama huquqi asosida.