Либертадорес Кубогини қўлга киритган «Фламенго» клуби Бразилия чемпионатида ҳам ғолиб бўлди.
23 ноябрь, шанба оқшомида бразилияликлар клуби «Ривер Плейт»ни мағлуб этган ҳолда Либертадорес Кубогига эга чиққанди. 24 ноябрь, якшанба куни эса «Фламенго» Бразилия чемпионатини ҳам ютиб олди. Чемпионат тугашига тўрт тур қолганида «Фламенго» 81 очко билан муддатидан аввал чемпионликни қўлга киритди. Шу тариқа «Фламенго» ўн йил деганда илк бор ва ўз тарихида еттинчи марта Бразилия чемпионига айланди.
Шунингдек, «Фламенго» бир йилнинг ичида ҳам Либертадорес Кубоги, ҳам миллий чемпионатда ғолиб чиққан сўнгги 56 йил ичидаги илк жамоа бўлди.
Мазкур ғалабалардан сўнг «Фламенго» Рио де Жанейро шаҳри кўчалари бўйлаб парад уюштирди. Кўчага минглаб ишқибозлар тўпланди. Бунинг оқибатида аҳоли ва полиция ўртасида тўқнашувлар ҳам бўлган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)