Ўзимиз ҳақида: биз киммиз?
Жорий йилнинг 9 ойлик якунлари бўйича “Gross Insurance” МЧЖ суғурта компаниялари орасида етакчи бўлган учта компаниядан бири бўлди, шунингдек, миллий суғурта бозорида хусусий суғурта компаниялари ўртасида 1-сонли компания мақомини сақлаб қолди ва янада мустаҳкамлади.
Компания ташкил топган вақтдан эътиборан 8 йиллик фаолият даврида 2,5 млн та суғурта шартномалари бўйича 400 трлн сўм дан ортиқ мажбуриятларни ўз зиммасига олгани ҳолда 3 млн дан ортиқ суғурта қилдирувчилар ва суғурталанган шахсларга сифатли хизматлар кўрсатди. Компания томонидан 14 мингта суғурта ҳодисалари кўриб чиқилган бўлиб, бунда 45 млрд сўмдан ортиқ суғурта товони тўланган.
Фақат 2019 йилнинг 9 ойида юридик шахслардан келиб тушган суғурта мукофотининг ҳажми 144 млрд сўмни, жисмоний шахслардан эса 27 млрд 855 млн сўмни ташкил этган бўлиб, шу тариқа ўтган йилнинг мазкур даврига нисбатан тегишинча 161% ва 122% га ўсиш таъминланган. Ушбу рақамлар бизга ҳамон юқори даражада ишонч билдирилаётганининг яққол далилидир!
Компаниямиз мижозлари бўлган юридик шахсларга 12 млрд сўмга яқин ҳамда жисмоний шахсларга 4 млрд сўм суғурта товони тўлаб берилди. Бу ўтган йилнинг мазкур даврига нисбатан таққосланганда тегишинча 238% ва 115% га кўпдир.
Қудратимиз нимада?
Қудратимиз, шак-шубҳасиз, одамларда! Жамоамиз аъзоларида! Жамоада бугунги кунда суғурта, молия, аудит ва актуар илми соҳасидаги 500 дан ортиқ мутахассис фаолият кўрсатмоқда. Улар ўз ишини севишади, ўз ишининг моҳир усталари. Улар ўзида энг яхши мутахассисларни мужассам қилган жамоа руҳининг кучига ишонишади!
Компания таркибида Марказий офис ҳамда Тошкент шаҳри, Қорақалпоғистон Республикаси ва мамлакатимизнинг барча минтақаларида жойлашган 100 дан ортиқ филиал фаолият кўрсатмоқда.
Шунингдек, компания тасарруфида New life insurance шўба корхонаси ҳам мавжуд бўлиб, у «Ҳаётни суғурта қилиш» соҳасидаги тўртта синф доирасида ва «Умумий суғурта» соҳасидаги иккита синф доирасида ихтиёрий ва мажбурий суғурта бўйича хизматларни тақдим этмоқда.
Биз билан ишлаш нима учун қулай?
Мижозларни қўллаб-қувватлаш маркази мижозларимизга кунда 24 соат, ҳафтада 7 кун, йилда 365 кун мобайнида мамлакатимизнинг исталган нуқтасидан 1166 ягона телефон рақами бўйича масофадан туриб сифатли хизмат кўрсатади ва қўллаб-қувватлайди.
Марказ операторлари:
- суғурта хизматларининг тақдим этилиши билан боғлиқ барча саволларга жавоб беради;
- суғурта ҳодисаси юз берганида мижозларга ёрдам кўрсатади;
- суғурта қилишнинг мақбул дастурини танлашга ва унинг қийматини ҳисоблаб чиқаришга, суғурта полиси муддатини узайтиришга, шунингдек суғурта даъвосини кўриб чиқилиши натижалари ҳақида маълумот олишда ёрдам берадилар.
Мижозларни қўллаб-қувватлаш маркази ҳузурида тиббиёт соҳасида кўп йиллик (энг камида 30 йил) иш тажрибасига эга олий тоифали юқори малакали шифокорлар таркибидаги тиббиёт гуруҳи фаолият кўрсатади. Бу эса 24/7 режимида юқори сифатли маслаҳат ва даволаш ёрдамини кўрсатиш кафолатидир.
Бизнинг мижозларимиз йўл-транспорт ҳодисаларига учраган тақдирда, ёрдамга келишга тайёр бўлган, яхши ўқитилган ва малакали мутахассислардан иборат бўлган авария комиссарлари гуруҳи доимо – кун ва туннинг қайси вақтида эканлигидан қатъи назар, ҳодиса содир бўлган жойга етиб боради.
Компания сайтида онлайн режимида бир қатор суғурта маҳсулотларини харид қилиб, расмийлаштириш мумкин.
Мижозларимиз полисни тезда расмийлаштириш, компаниянинг энг яқин жойлашган филиалини, яқин орада жойлашган клиника ва дорихонани осонгина топиш ҳамда кўпинча бериладиган саволларга жавоб олиш имконини берувчи мобил иловамизга ўз баҳоларини бердилар. Иловани https://gross.uz/m электрон манзили бўйича юклаб олиш мумкин.
Мобил илованинг SOS тугмаси фавқулодда вазиятларда кўпчилик учун беминнат ёрдамчи бўлиб улгурган. Ҳатто чет элда бўлган вақтда ҳам мижозлар бизнинг ёрдамимиздан фойдаланишлари мумкин.
Нима учун ишонишади?
Компания ўз портфелининг мутаносиблигини таъминлаш ва диверсификация қилиш мақсадларида қайта суғурта қилиш ҳимоясига устувор равишда эътиборни қаратади. “Gross Insurance” МЧЖ қайта суғурта қилишга таваккалчиликларни қабул қилиш йўналишида ҳам фаол иш олиб бормоқда.
Кўп йиллик иш тажрибасига ва ходимларнинг юқори малакасига асосланган ҳолда Компания индивидуал суғурта дастурларини, шу жумладан йирик ва мураккаб таваккалчиликларни суғурта қилиш дастурларини ишлаб чиқмоқда. Мазкур дастурлар мижозларга ўз сарф-харажатларини бошқариш ва ўз танловига кўра қўшимча опсиялари бўлган суғурта пакетини жамлаш имконини тақдим этади.
Мижозларимиз нималарни танламоқда?
“Gross Insurance” МЧЖ активида турли йўналишлар бўйича 110 дан ортиқ суғурта маҳсулотлари мавжуд. Таҳлиллар якунлари шуни кўрсатадики, улар орасида мол-мулкни суғурта қилиш, жавобгарликни суғурта қилиш, молиявий таваккалчиликларни суғурта қилиш, бахтсиз ҳодисалардан суғурта қилиш, транспорт воситаларини суғурта қилиш, мажбурий суғурта қилишнинг барча турлари энг долзарб ва жозибадор суғурта маҳсулотлари бўлиб ҳисобланади.
Биз мижозларимизга комплекс ипотека суғуртаси, меҳмонхона фаолиятини комплекс суғурта қилиш каби комплекс суғурта қилиш дастурларини, шунингдек мамлакатимиз аҳолисининг маълум бир қатламлари учун инновация хусусиятидаги қарорларни, препаратларнинг клиник синовларида фармацевтика муассасаларининг жавобгарлигини суғурта қилиш, онкологик касалликлар билан боғлиқ харажатларни суғурта қилиш, ресторанларни суғурта қилиш, туристик операторларнинг профессионал жавобгарлигини суғурта қилиш, «Prestige», «Avto-vip» каби автотранспорт воситаларини суғурта қилиш комплекс маҳсулоти ва бошқа турдаги суғурта маҳсулотларини таклиф қиламиз.
Ҳамдардлик
«Ўз бойлигини бошқалар билан бўлишмоқлик — олий фазилат» (Рўдакий)
“Gross Insurance” МЧЖ йилдан йилга ўтган сари жамоат ва хайрия тадбирларининг ташаббускори ва ташкилотчиси бўлиб келмоқда. Биз мазкур воқеалар атрофида суғурта ва молия бозори вакилларини бирлаштириб ҳамда жипслаштириб келмоқдамиз ва бундан кейин ҳам буни давом эттираверамиз. Чунки биз, майли, гарчанд мамлакат миқёсида бўлмаса-да, ҳеч бўлмаганида бир неча инсонлар ҳаёти миқёсида бу муҳим эканлигига ишонамиз.Ҳар йили мини-футбол бўйича ўтказиладиган хайрия турнирларини ташкил қилиш, Ўзбекистон шахмат федерацияси билан ҳамкорлик қилиш, «Humo» хоккей клуби билан шерикчилик муносабатларини ўрнатиш воситасида спортни ривожлантириш соҳасида олиб борилаётган лойиҳалар учун масъулият ва чексиз фахр туйғуларини туямиз.
Жорий йилнинг ноябрь ойида “Gross Insurance” МЧЖ суғурта компанияси ва «New life insurance» шўба суғурта компанияси «Мен ҳаётни танлайман!» шиори остида Биринчи аёллар ижтимоий форумини ўтказадилар. Мазкур лойиҳанинг вазифаси оилавий зўравонликдан жабр кўрган аёлларнинг ҳаётини яхшилашга қаратилган ижтимоий дастурларни қўллаб-қувватлашдан иборат.
Мазкур хайрия тадбири давомида тўпланган барча маблағлар шелтерлар – Зўрлик ишлатишдан жабр кўрган аёлларни реабилитация қилиш ва мослаштириш ҳамда ўз жонига қасд қилишнинг олдини олиш марказларига йўналтирилади.
Биз мижозларимизнинг ишончларини қадрлаймиз, биз мамлакатимиз келажагига умид билан қараймиз, биз «эртамизни кечаги кунимиздан» янада барқарор ва муваффақиятли қилишга интиламиз!
Сиз мисқоллаб ўз оламингизни яратмоқдасиз, унинг сақланиши учун таваккалчиликни ўз зиммамизга олишимизга имкон беринг!
Сизнинг хотиржамлигингиз – бизнинг вазифамиз!
Реклама ҳуқуқи асосида.
Изоҳ (0)