Халқ таълими вазирининг буйруғига кўра, Сурхондарё вилояти ҳокими Тўра Боболов вазирликнинг «Таълим ҳомийси» кўкрак нишони билан тақдирланди, деб хабар бермоқда Сурхондарё вилояти ҳокимлиги матбуот хизмати.
Мукофотни Шерзод Шерматов ўзининг вилоятга хизмат сафари чоғида топширган ва вазирлик номидан халқ таълим соҳаси ривожига қўшган ҳиссаси учун вилоят ҳокимига миннатдорчилик билдирган.
«Президентимиз бошчилигида халқ таълими соҳасида кенг кўламли ислоҳотлар бошланди ва қўйилган вазифаларни амалга ошириш учун биз бор кучимизни ва имкониятларимизни сафарбар этишимиз керак. Умид қиламанки, вилоятнинг барча даражадаги раҳбарлари бу йўналишдаги ишларини янада кучайтиради», — деган у.
2018 йилнинг сентябрь ойида Қорақалпоғистон Республикаси Жўқорғи Кенгеси Раиси Муса Ерниязов «Таълим ҳомийси» кўкрак нишони билан тақдирланган эди.
Изоҳ (0)