Красноярск ўлкасидаги дамба ўпирилган ҳудудда бедарак йўқолган 5 нафар ишчидан икки нафарининг жасади топилди. Бу ҳақда Россия Тергов қўмитаси матбуот хизмати маълум қилди.

Фото: Россия ФВВ

Шу тариқа, мазкур ҳодиса қурбонлари сони 17 кишига етди.

Мазкур технологик авария юзасидан қўзғатилган жиноий иш Тергов қўмитаси Тергов бош бошқармаси ихтиёрига ўтказилган. Сўроқ давомида дамбалар эгаси бўлган «Сисим» компанияси бош директори сув остида қолган бинолардан бирида сейфда олтин борлиги ҳақида кўрсатма берган.

ФВВ ходимлари бинодаги сувни қочириш ишларидан сўнг ичида олтин ва концентрат бўлган ушбу сейфни топган. Тергов олтинни жабрланганларга товон пули сифатида тўлаш учун хатлашга қарор қилди.

Эслатиб ўтамиз, олдинроқ Красноярскда дамба ўпирилиши оқибатида бедарак йўқолганлар ичида Ўзбекистон фуқароси ҳам борлиги маълум қилинганди.