Туркманистон давлат дўконларида ун, ўсимлик ёғи, тухум ва товуқ гўштининг танқислиги давом этмоқда. Дўконларда ушбу маҳсулотлар ҳали ҳам чегараланган миқдорда сотилмоқда, дея хабар берган «Regnum».
Маҳаллий аҳоли вакилларининг сўзларига кўра, Ашхабод шаҳридаги айрим савдо нуқталарида аввал товуқ оёғи киши бошига учтадан сотилган бўлса, энди ушбу лимит биттага қисқарган. Харидорлар ушбу маҳсулотнинг 200 грамми муз эканлигини билдирган.
Сотувчилар ушбу ҳолатни «юқоридан шундай буйруқ бўлди» дея изоҳламоқда ва нима учун дўконларда ушбу маҳсулотлар танқис бўлиб қолганига аниқ сабаб кўрсатмаяпти.
Мамлакатда маҳаллий пахта ва импорт писта ёғлари ҳам сотувда камайиб кетган. Писта ёғининг нархи охирги вақтда бир литр учун 9-13 манат (24—35 минг сўм) гача кўтарилган.
Мавзуга доир:
Изоҳ (0)