21 октябрда Покистон соҳилни қўриқлаш хизмати ходимларининг Белужистон вилоятининг Турбат шаҳрида оғирлиги 2,6 тонна бўлган наркотик маҳсулотларини мусодара қилинганини хабар қилди, деб ёзмоқда «Regnum».
Соҳилни қўриқлаш хизмати маълумотига кўра, қиймати 2,8 миллиард рупийга (18,2 миллион АҚШ доллари) тенг бўлган гашиш партияси юк ташиш машиналаридаги яширилган қутиларда олиб келинаётган вақтда фош этилган. Етказиб беришни қайси жиноий гуруҳ ташкиллаштиргани ёки ушбу жиноятни содир этган шахснинг кимлиги аниқланмаган.
Покистоннинг Белужистон вилояти орқали жиноятчилар ҳар йили бир неча ўн тонна наркотикни, жумладан героинни олиб чиқиб кетишга уринади. Соҳил қўриқлаш хизмати ва Покистон ҳарбий денгиз кучлари ҳудудда ушбу жиноий ҳаракатларга қарши курашиб келади.
Изоҳ (0)