18 октябрь, жума куни жиноят ишлари бўйича Чироқчи туман судида Яккабоғ тумани ҳокими собиқ ўринбосари Мансур Туймаев ва ва тадбиркор Баҳриддин Исомовга нисбатан жиноят ишини кўриб чиқиш бўйича суд жараёни ниҳоясига етди ва суд ҳукми эълон қилинди. Бу ҳақда Олий суд расмий вакили Азиз Обидов «Дарё»га хабар қилди.
Мазкур жиноят иши жиноят ишлари бўйича Чироқчи туман суди раиси Лутфулла Мамаражабов раислигида кўриб чиқилди.
Эълон қилинган суд ҳукмига кўра, Баҳриддин Исомов Жиноят кодексининг 25, 98-моддаси (кучли руҳий ҳаяжонланиш ҳолатида қасддан одам ўлдиришга суиқасд қилиш)да кўзда тутилган жиноятни содир этганликда айбдор деб топилиб, унга шу модда билан 2 йил озодликни чеклаш жазоси тайинланди.
Эҳтиёт чораси сифатида 2019 йил 21 июлдан 2019 йил 29 августга қадар 1 ой 8 кун қамоқда ўтирган кунлари тайинланган жазодан Жиноят Кодексининг 62-моддаси (дастлабки қамоқ вақтини ҳисобга олиш қоидалари)га асосан чегирилиб, қатъий ўташ учун 1 йил 10 ой 22 кун озодликни чеклаш жазоси қолдирилди.Мавзуга доир: Туман ҳокими ўринбосарини ёқиб юборган яккабоғлик тадбиркор қамоқдан озод қилинди. У энди судга ўз уйидан қатнайди
Унга 1 йил мансабдорлик ва моддий жавобгарлик вазифаларида ишлаш ҳуқуқидан маҳрум қилган ҳолда энг кам ойлик иш ҳақининг 510 баравари миқдорида яъни, 103 392 300 сўм жарима жазоси тайинланди. Жаримани давлат фойдасига ундириш белгиланди.
Мансур Туймаевнинг жиноий ҳаракатлари оқибатида 61 нафар тадбиркор ва 30 фуқарога етказилган моддий зарарни тўлиқ қоплаб бериш мажбурияти Яккабоғ туман ҳокимлиги зиммасига юклатилди.
Изоҳ (0)