18-oktabr, juma kuni jinoyat ishlari bo‘yicha Chiroqchi tuman sudida Yakkabog‘ tumani hokimi sobiq o‘rinbosari Mansur Tuymayev va va tadbirkor Bahriddin Isomovga nisbatan jinoyat ishini ko‘rib chiqish bo‘yicha sud jarayoni nihoyasiga yetdi va sud hukmi e’lon qilindi. Bu haqda Oliy sud rasmiy vakili Aziz Obidov “Daryo”ga xabar qildi.
Mazkur jinoyat ishi jinoyat ishlari bo‘yicha Chiroqchi tuman sudi raisi Lutfulla Mamarajabov raisligida ko‘rib chiqildi.
E’lon qilingan sud hukmiga ko‘ra, Bahriddin Isomov Jinoyat kodeksining 25, 98-moddasi (kuchli ruhiy hayajonlanish holatida qasddan odam o‘ldirishga suiqasd qilish)da ko‘zda tutilgan jinoyatni sodir etganlikda aybdor deb topilib, unga shu modda bilan 2 yil ozodlikni cheklash jazosi tayinlandi.
Mavzuga doir: Qashqadaryolik tadbirkor uning do‘konini buzmoqchi bo‘lgan hokim o‘rinbosarini yoqib yubordi
Mavzuga doir: Tuman hokimi o‘rinbosarini yoqib yuborgan yakkabog‘lik tadbirkor qamoqdan ozod qilindi. U endi sudga o‘z uyidan qatnaydi
Unga 1 yil mansabdorlik va moddiy javobgarlik vazifalarida ishlash huquqidan mahrum qilgan holda eng kam oylik ish haqining 510 baravari miqdorida ya’ni, 103 392 300 so‘m jarima jazosi tayinlandi. Jarimani davlat foydasiga undirish belgilandi.
Mansur Tuymayevning jinoiy harakatlari oqibatida 61 nafar tadbirkor va 30 fuqaroga yetkazilgan moddiy zararni to‘liq qoplab berish majburiyati Yakkabog‘ tuman hokimligi zimmasiga yuklatildi.
Izoh (0)