Ўзбекистон Президентининг 2019 йил 17 январдаги фармони билан хорижий инвестиция киритган шахслар учун «инвестиция визаси» жорий этилган бўлиб, ҳукуматнинг 11 октябридаги қарорига мувофиқ ушбу визани бериш тартиби ва у билан боғлиқ имтиёзлар белгиланди. Бу ҳақда Адлия вазирлиги хабар берди.
Мавзуга доирр: Ўзбекистонда «инвестиция визаси» жорий этилади
Визани олиш ва узайтириш учун хорижий инвестиция иштирокидаги корхона илтимосномаси, киритилган инвестиция тўғрисидаги маълумотномалардан бирини илова қилган ҳолда белгиланган шаклдаги анкета билан мурожаат қилинади.
Шунингдек, «инвестиция визаси»га эга бўлган хорижий инвесторлар ва уларнинг оила аъзолари республика ОТМларида ўқиш даврида Ўзбекистон фуқаролари учун назарда тутилган шартларда стипендия ҳамда олий таълимдан кейинги таълимни олишга ҳақлидир.
Киритилган ўзгартиришларга кўра, уч миллион доллар миқдорида инвестиция киритган чет эл фуқаросига 10 йил муддатга Ўзбекистонда яшаш гувоҳномаси берилади. Аввалги тартибга кўра, барча чет эл фуқаролари учун 5 йил муддатга берилган.
Изоҳ (0)