Наманган вилоятида мактабгача таълим, халқ таълими, соғлиқни сақлаш соҳалари билан боғлиқ айрим муаммолар ҳам ҳанузгача сақланиб қолмоқда. Бу ҳақда вилоят ҳокими Хайрулло Бозоров 12 октябрь куни Ўзбекистон Сенатидаги чиқиши давомида тўхталиб ўтди.
Жумладан, болаларни мактабгача таълим муассасаларига қамраб олиш борасидаги кўрсаткичлар вилоят бўйича 43 фоизни ташкил этган бир пайтда бу кўрсаткич Наманган шаҳрида 28,6, Наманган ва Норин туманларида 35,9, Чортоқ туманида 36,1 ва Янгиқўрғон туманида 37,7 фоизни ташкил этади.
Умумтаълим мактабларида қатор фанлар бўйича олий маълумотли ўқитувчилар етишмайди. «705 та умумтаълим мактабидан бор-йўғи 5 таси марказлашган иссиқлик тармоғи билан таъминланган. 11 та мактабда қўшимча ўқув бинолари қуриш, 16 та мактаб биносини мукаммал таъмирлаш талаб этилади», — деди ҳоким.
Бундан ташқари, вилоятдаги соғлиқни сақлаш муассасаларида 210 нафарга яқин тор доирадаги мутахассисларга ва 250 нафардан зиёд умумий амалиёт шифокорларига эҳтиёж мавжуд.
Изоҳ (0)