Ўзбекистон Жаҳон савдо ташкилотига киргунига қадар ишлаб чиқаришнинг экспортга йўналтирилган тармоқларида протексионизм — миллий иқтисодиётни хориж рақобатидан ҳимоя қилишга қаратилган сиёсатни кучайтириш режалаштирилмоқда. Бу мамлакатнинг 2030 йилгача ижтимоий-иқтисодий ривожлантириш концепциясида кўзда тутилган, дея хабар бермоқда «Spot».
Бу чоралар 2019—2021 йилларни ўз ичига олган биринчи босқичда амалга оширилиши белгиланган. Бу вақтда иқтисодиётнинг янги шароитлар ва бозор механизмларига мослашуви жараёни кечади.
Шу билан бирга, иккинчи босқичда (2022—2025 йилларда) мамлакатнинг Евросиё иқтисодий иттифоқи ва Жаҳон савдо ташкилотига кириши билан боғлиқ масалаларни ўрганиш, савдо сиёсати ва экспортни либераллаштириш, нотариф савдо тўсиқларини қайта кўриб чиқиш ва уларни ЖСТ келишувлари ва меъёрларига мослаштириш мўлжалланган.
Учинчи босқичда (2026—2030 йиллар) ЖСТ доирасида протексионизмсиз, эришилган келишувлар миқёсида ён беришлар инобатга олинган экспортга йўналтирилган савдони янада ривожлантириш кўзда тутилмоқда.
Изоҳ (0)