O‘zbekiston Jahon savdo tashkilotiga kirguniga qadar ishlab chiqarishning eksportga yo‘naltirilgan tarmoqlarida proteksionizm — milliy iqtisodiyotni xorij raqobatidan himoya qilishga qaratilgan siyosatni kuchaytirish rejalashtirilmoqda. Bu mamlakatning 2030-yilgacha ijtimoiy-iqtisodiy rivojlantirish konsepsiyasida ko‘zda tutilgan, deya xabar bermoqda “Spot”.
Bu choralar 2019—2021-yillarni o‘z ichiga olgan birinchi bosqichda amalga oshirilishi belgilangan. Bu vaqtda iqtisodiyotning yangi sharoitlar va bozor mexanizmlariga moslashuvi jarayoni kechadi.
Shu bilan birga, ikkinchi bosqichda (2022—2025-yillarda) mamlakatning Yevrosiyo iqtisodiy ittifoqi va Jahon savdo tashkilotiga kirishi bilan bog‘liq masalalarni o‘rganish, savdo siyosati va eksportni liberallashtirish, notarif savdo to‘siqlarini qayta ko‘rib chiqish va ularni JST kelishuvlari va me’yorlariga moslashtirish mo‘ljallangan.
Uchinchi bosqichda (2026—2030-yillar) JST doirasida proteksionizmsiz, erishilgan kelishuvlar miqyosida yon berishlar inobatga olingan eksportga yo‘naltirilgan savdoni yanada rivojlantirish ko‘zda tutilmoqda.
Izoh (0)