Лойиҳалар, ташаббуслар изчил амалга ошмоқда. Кечаги режалар бугун ҳақиқат.
Президент Шавкат Мирзиёев 2018 йил 29 июнь куни Тошкент шаҳрининг Олмазор туманида Olmazor Business City ишбилармонлик маркази лойиҳаси билан танишган эди. Бунинг учун Кичик ҳалқа йўли ва Янги Олмазор кўчаси ўртасидаги қарийб 24 гектар ер ажратилиб, жорий йил февралда қурилиш ишлари бошланди.
Майдон 6 та лотга бўлинган бўлиб, биринчи ва иккинчи лотларда савдо маркази, офислар ва кўнгилочар масканлар бунёд этилмоқда. Уч, тўрт ва бешинчи лотларда 2 минг 100 хонадонга мўлжалланган 28 та кўп қаватли уй, олтинчи лотда 300 ўринли мактабгаҳа таълим муассасаси ҳамда 500 ўринли мактаб қурилмоқда. Уйларнинг биринчи қаватидан савдо дўконлари ўрин олади. Хонадонларда алоҳида иситиш тизими ўрнатилади. Деворлар етти қатламдан иборатлиги, жумладан базалт толаси қопланган қишда иссиқ, ёзда салқин ҳароратни яхши сақлайди.
Давлатимиз раҳбари 9 октябрь куни ушбу мажмуага ташриф буюриб, бунёдкорлик ишларини кўздан кечирди. Қурилишда қўлланилаётган инновацион, энергия тежамкор технологияларга алоҳида эътибор қаратди.
Уйлар сонини кўпайтириш, энергия тежаш орқали турар жойлар нархини арзонлаштириш керак. Бунинг учун қурилиш материаллари, базалт толаси ишлаб чиқариш корхоналарини кўпайтириб, ҳар бир ҳудудга етказиб бериш зарур, — деди Шавкат Мирзиёев.
Бинокорлик ишларининг бориши, ўзига хос жиҳатлари ҳақида маълумот берилди. Қурилишда маҳаллий материаллардан фойдаланилаётганни, уйлар ҳам тўлиқ юртимизда ишлаб чиқарилган маиший техника ва мебеллар билан жиҳозланиши таъкидланди.
Қуриш биринчи қадам. Асосийси — малакали эксплуатация. Уйларга, одамларга сифатли хизмат кўрсатисж, муҳандислик ускуналаридан самарали фойдаланиш зарур, — деди давлатимиз раҳбари қурувчи ва мутасаддилар билан суҳбатда.
Шу ерда Олмазор тумани фаоллари билан ҳам мулоқот бўлди.
+99871 210 4444
Реклама ҳуқуқи асосида.
Изоҳ (0)