Тожикистон ҳукумати мамлакат соғлиқни сақлаш ва ижтимоий ҳимоя вазирлиги томонидан ишлаб чиқилган 2019—2020 йиллар учун репродуктив саломатлик давлат дастурини маъқуллади. Дастурда қишлоқ ёшларига контрацепциянинг турли методларини ўргатишни тарғиб қилишга кенг ўрин берилган. Бу ҳақда «Regnum» хабар берди.
Дастурнинг асосий мақсади аёллар ва болалар саломатлигини яхшилаш, аҳолини ҳомиладан сақланиш йўллари ва воситалари ҳақидаги тушунчага эга бўлишини таъминлаш, бу орқали она ва боланинг эрта ўлими ҳолатларини олдини олиш, абортлар сонини камайтириш, шунингдек, фарзандлар туғилишида ўртадаги оралиқни оширишдан иборат.
Бундай қарорнинг чиқарилишига асосий сабаб 2008 йилда 100 минг аҳоли бошига ёш онанинг ўлими кўрсаткичи 46,5 мингни ташкил қилган, 2018 йилга келиб бу рақам 100 мингга 24 минг нисбатни ташкил қилмоқда.
Дастурда амалга ошириладиган чора-тадбирларнинг йилига 100 мингга яқин эрта ҳомиладорликнинг олдини олишга қаратилгани қайд этилган. Агар дастурдаги чора-тадбирлар амалга оширилмаса кейинги тўрт йилда ушбу рақам 450 мингга етиши мумкин.
Шунингдек, мамлакат соғлиқни сақлаш вазирлиги тожик аёлларининг ихтиёрий равишда жарроҳлик стерилизациясидан ўтишига рухсат бермоқчи, вазирликнинг қайд этишича улар 30 ёшгача оила учун етарли даражадаги фарзандларни дунёга келтириб улгуради.
Мавзуга доир:
Расмий маълумотларга кўра, Тожикистонда 9,2 миллион аҳоли яшайди, экспертлар тахминга кўра 2050 йилда бу рақам 16 миллионга, 2100 йилга бориб эса тахминан 25 миллионга етиши мумкин.
Изоҳ (0)