Қашқадарё вилоятида тез тиббий ёрдам ҳайдовчилари эътирозига сабабчи бўлган автохўжалик бошлиғи ишдан олинди. Бу ҳақда «Дарё» мухбири Отабек Қўлдошев тез тиббий ёрдам ҳайдовчилари маълумотига таяниб хабар берди.
Ҳайдовчиларнинг берган хабарига кўра, Қашқадарё вилояти соғлиқни сақлаш бошқармасининг 27 сентябрдаги буйруғига асосан автохўжалик бошлиғи Наим Ҳалилов билан тузилган меҳнат шартномаси бекор қилинган. Вилоят соғлиқни сақлаш бошқармаси ушбу хабарга изоҳ беришни истамаган.
26 сентябрь куни соғлиқни сақлаш бошқармасига қарашли махсус ва тез тиббий ёрдам автохўжалигида 200 нафарга яқин тез тиббий ёрдам ҳайдовчилари йиғилган ва вилоят ҳокими ўринбосари билан мулоқот қилган. Ҳайдовчилар эътирозини тинглаган ҳоким ўринбосари икки кун муддатда автохўжалик раҳбарини ишдан олиш юзасидан кўрсатма берган.
Вилоят соғлиқни сақлаш бошқармаси вакили Нуриддин Эгамов «Дарё» мухбири билан суҳбатда автохўжалик раҳбарининг ишдан олиниш ёки олинмаслиги Қарши шаҳар прокуратурасининг якуний хулосасига боғлиқлигини маълум қилганди.
Изоҳ (0)