Бугун, 30 сентябрь куни Олий мажлис Сенатининг Регламент ва одоб комиссиясининг йиғилишида Фарғона вилояти ҳокими Шуҳрат Ғаниев қилмиши учун Президент ва сенаторлардан кечирим сўради. Ҳокимнинг кечирим сўраётгани тасвирланган видеони «Xabar.uz» эълон қилди.
Менинг гапларим ижтимоий тармоқларда тўғри муҳокама бўлди. Буни тан олиш келажакда тўғри хулоса чиқаришга йўл белгилаб беради.Эслатиб ўтамиз, Фарғона вилояти ҳокими, сенатор Шуҳрат Ғаниевнинг ижтимоий тармоқларда соқол, рўмол ва иш жойларида намозга қарши чиқиб, бунга бўйсунмаганларни қамаш билан таҳдид қилгани муҳокама қилинган аудиоси тарқалди. Шундан сўнг Сенатнинг регламент ва одоб комиссияси сенатор Шуҳрат Ғаниевни рўмол ва соқол ҳақида айтган гаплари учун қатъий огоҳлантирди ва унга уч ой синов муддати берди.Албатта, менинг ота-онам ҳам, авлодларим ҳам миллий либосда кийинади. Мен ҳам ўз уйимда миллий либосда кийинаман. Шу куни одам қуюшқондан чиқиб кетишим ёки ўзимни боса олмаслигим фақат ўзимнинг айбим. Мен айбдорман, имконият берсаларинг фақатгина меҳнат қиламан.
Тўғри, меҳнат қилишнинг ҳам, ҳамма нарсанинг хулосаси бор. Аввало мен давлатимиз раҳбари, менга юксак ишонч билдирган муҳтарам Президентимиздан ўтиниб-ўтиниб кечирим сўрайман. Ҳурматли сенаторлар, сизлардан кечирим сўрайман. Имконият берсаларинг, хулоса қиламан.
Лекин мен айбдорман, айбимни тан оламан. Албатта, ҳар кимга ҳам ҳеч қанақа бунақа ваколатлар бериб қўйилмаган. Раҳбар ҳар қандай жойда юксак ишонч билдирилганини хулоса қилиб, билиши керак. Албатта, мен ҳар қандай жазога лойиқман. Минг бор узр.
Шуҳрат Ғаниев, Фарғона вилояти ҳокими
Шуҳрат Ғаниев ўз узрида унинг гаплари ижтимоий тармоқларда тўғри муҳокама бўлганини таъкидлаганига қарамай, Фарғона вилояти ҳокимлиги матбуот хизмати ҳокимнинг сўзларидан ўзгача маъно излаб, бузиб талқин қилиш ҳоллари рўй берганини билдирганди.
Маълумот учун, бу Шуҳрат Ғаниевнинг икки ой ичида иккинчи бор узр сўраши. Август ойининг бошида Фарғона вилояти ҳокими Риштон туманида олиб борилган бузилиш ишларида йўл қўйилган хатолар учун кечирим сўраганди.
Изоҳ (0)