Футбол бўйича Англия Лига Кубогининг 3-босқичи доирасида 25 сентябрь, чоршанба куни бир нечта учрашувлар ниҳоясига етди.
Юрген Клопп қўл остидаги «Ливерпуль» сафарда қуйи лига вакили «МК Донс» клубини синовдан ўтказди.
Беллашувнинг 41-дақиқасида «қизиллар» ярим ҳимоячиси Жеймс Милнер ҳисобни очган бўлса, 69-дақиқага келиб нидерландиялик Ки-Жана Хувер ҳисобни 2:0 кўринишига олиб келди.
Учрашув якунига кўра, «Ливерпуль» сафарда ишончли ғалаба эришди ва мусобақанинг кейинги босқичига чиқди.
Шу куни Фрэнк Лэмпард бошлиқ Лондоннинг «Челси» жамоаси ўз майдонида «Гримсби» билан беллашди.
Ўйин давомида «аристократлар» вакиллари Росс Баркли (4), Миши Бацҳуайи (7, 86),Педро (43, пенальти), Курт Зума (56), Рис Жеймс (82) ҳамда Каллум Ҳадсон-Одои (89) бирин-кетин рақиб дарвозасини ишғол қилган бўлса, меҳмонлардан Мэтт Грин (19) ўз номига битта гол ёздириб қўйди.
Шу тариқа «Челси» ўз уйида кечган баҳсда 7:1 ҳисобида ғалаба қозонди ва кейинги босқичга йўлланмани қўлга киритди.
Оле-Гуннар Сульшер бошчилигидаги «Манчестер Юйнатед» клуби «Олд Траффорд»да «Рочдейл» билан баҳсга киришди.
Учрашувнинг 68-дақиқасида «манкунианлар» ҳужумчиси Мэйсон Гринвуд ҳисобни очди (1:0). Орадан 8 дақиқа ўтиб меҳмон жамоа вакили Люк Мэтисон ҳисобни тенглаштирди (1:1). Беллашувнинг асосий вақти 1:1 ҳисобидаги дуранг билан якунланди.
Пенальтилар сериясида эса «Манчестер Юнайтед»нинг қўли баланд келди ва кейинги босқичга йўл олди.
Англия Лига Кубоги
3-босқич ўйинлари
25 сентябрь, чоршанба
«Вулверҳэмптон»—«Рединг» 1:1 (4:2—пенальтилар серияси)
Голлар: 1:0 — 27 Бруну Жордау, 1:1 — 90 Бойе«Оксфорд Юнайтед»—«Вест Ҳэм» 4:0
Голлар: 1:0 — 55 Мур, 2:0 — 71 Тэйлор, 3:0 — 84 Фосу-Анри, 4:0 — 90 Баптист«Брайтон»—«Астон Вилла» 1:3
Голлар: 0:1 — 22 Хота, 0:2 — 33 Хурихэйн, 1:2 — 61 Роберц, 1:3 — 77 Грилиш«Шеффилд Юнайтед»—«Сандерленд» 0:1
Гол: 0:1 — 9 Пауэр«Бёртон»—«Борнмут» 2:0
Голлар: 1:0 — 14 Шаркич, 2:0 — 72 Броудхед«МК Донс»—«Ливерпуль» 0:2
Голлар: 0:1 — 41 Милнер, 0:2 — 69 Хувер«Челси»—«Гримсби» 7:1
Голлар: 1:0 — 4 Баркли, 2:0 — 7 Бацҳуайи, 2:1 — 19 Грин, 3:1 — 43, пенальти Педро, 4:1 — 56 Зума, 5:1 — 82 Жеймс, 6:1 — 86 Бацҳуайи, 7:1 — 89 Ҳадсон-Одои«Манчестер Юнайтед»—«Рочдейл» 1:1 (5:3—пенальтилар серияси)
Голлар: 1:0 — 68 Гринвуд, 1:1 — 76 МэтисонЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)