Футбол бўйича Италия чемпионатининг 4-тури доирасида 22 сентябрь, якшанба куни 4 та учрашув якунланди.
Паулу Фонсека қўл остидаги Римнинг «Рома» клуби сафарда «Болонья»га қарши майдонга тушди.
Беллашувнинг 49-дақиқасида Рим клуби ҳимоячиси Александар Коларов ҳисобни очган бўлса, орадан 5 дақиқа ўтиб мезбон жамоа ярим ҳимоячиси Никола Сансоне пенальтидан гол урди. 90-дақиқада эса ҳужумчи Эдин Жеко Лоренцо Пеллегрини узатмасини голга айлантирди.
Шу тариқа «Рома» «Болонья»ни 2:1 ҳисобида мағлубиятга учратиб, 3 очкога эга бўлди.
Мазкур ғалабадан сўнг «Рома» 8 очко жамғариб, 4-ўринга кўтарилиб олди, «Болонья» эса 7 очко билан 5-ўринда бормоқда.
Карло Анчелотти бошчилигидаги «Наполи» меҳмонда «Лечче»ни синовдан ўтказди.
Ўйин давомида «Наполи» аъзолари Фернандо Льоренте (28, 82), Лоренцо Инсинье (40, пенальти) ҳамда Фабиан Руис (52) гол урган бўлса, «Лечче»дан Марко Манкозу пенальтидан унумли фойдаланиб, ўз номига битта гол ёздириб қўйди (61).
Учрашув якунига кўра, «Наполи» меҳмонда кечган баҳсда «Лечче»ни 4:1 ҳисобида мағлубиятга учратиб, муҳим 3 очкога эга бўлди.
Қайд этиш жоиз, «Наполи» 9 очко тўплаб, мусобақа жадвалида 3-ўринни банд қилиб турибди. 18-ўринда бораётган «Лечче» ҳисобида эса 3 очко мавжуд.
А Серия
4-тур баҳслари
20 сентябрь, жума
«Кальяри»—«Женоа» 3:1
Голлар: 1:0 — 46 Симеоне, 1:1 — 83 Куаме, 2:1 — 84, автогол Сапата, 3:1 — 87 Жоао Педро21 сентябрь, шанба
«Удинезе»—«Брешия» 0:1
Гол: 0:1 — 57 Ромуло«Ювентус»—«Верона» 2:1
Голлар: 0:1 — 20 Велозу, 1:1 — 31 Рэмзи, 2:1 — 49, пенальти Роналду«Милан»—«Интер» 0:2
Голлар: 0:1 — 49 Брозович, 0:2 — 78 Лукаку22 сентябрь, якшанба
«Сассуоло»—СПАЛ 3:0
Голлар: 1:0 — 26 Капуто, 2:0 — 45 Капуто, 3:0 — 47 Данкан«Болонья»—«Рома» 1:2
Голлар: 0:1 — 49 Коларов, 1:1 — 54, пенальти Сансоне, 1:2 — 90 Джеко«Лечче»—«Наполи» 1:4
Голлар: 0:1 — 28 Льоренте, 0:2 — 40, пенальтиИнсинье, 0:3 — 52 Фабиан Руис, 1:3 — 61, пенальти Манкозу, 1:4 — 82 Льоренте«Сампдория»—«Торино» 1:0
Гол: 1:0 — 56 ГаббьядиниЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)