Атом электр станцияси (АЭС) учун узоқ муддатли ускуналарни ишлаб чиқариш тажрибасини ўрганиш, шунингдек, томонлар ўртасида музокаралар олиб бориш ва ҳамкорликни йўлга қўйиш учун «Ўзатом» агентлиги делегацияси Санкт-Петербургдаги «Силовие машини» АЖК ишлаб чиқариш объектларида бўлди. Бу ҳақда Энергетика вазирлиги матбуот хизмати хабар берди.
Ташриф доирасида делегация гидравлик, иссиқлик ва атом электр станциялари учун турбиналар ишлаб чиқарувчи Ленинград металл заводида, Япония билан ҳамкорликда ташкил этилган, бугунги кунда энергия машина қурилиши соҳасида илғор комплекс таъминотчи бўлган трансформаторлар ишлаб чиқарувчи корхонаси фаолияти билан танишди. Заводнинг асосий маҳсулоти 110–750 кВ қуввати 25 МВА дан ортиқ бўлган, жумладан уч фазали кучланиш трансформаторларидир.
Танишув жараёнида «Силовие машини» АЖК томонидан ишлаб чиқарилаётган маҳсулотлар ва улар сотувга чиқариладиган ҳам Россиядаги ички бозор, ҳам яқин ва узоқ хориж мамлакатлари ҳақида маълумотлар тақдим этилди.
Изоҳ (0)