14 сентябрь, шанба куни футбол бўйича Ўзбекистон Суперлигасининг 19-тур баҳслари доирасида 2 та учрашув бўлиб ўтди.
Рўзиқул Бердиев қўл остидаги Қаршининг «Насаф» клуби сафарда Навоийнинг «Қизилқум» жамоаси билан беллашди.
Учрашувда дарвозаларга гол урилмади ва ўйин 0:0 ҳисобида якунлади.
Маълумот учун, қаршиликлар 28 очко тўплаган ҳолда мусобақа жадвалида 5-ўринда бормоқда. Навоий клуби эса 18 очко билан 11-поғонани эгаллаб турибди.
Шу куни Миржалол Қосимов бошлиқ Олмалиқнинг ОКМК жамоаси Самарқанднинг «Динамо» клубини қабул қилди.
Беллашувда Олмалиқ клуби аъзолари Элгужа Григалашвили (6, 65) ҳамда Жасур Ҳакимов (73) томонидан урилган голларга меҳмон жамоа Амиржон Сафаровнинг (87) голи билан жавоб қайтарди.
Шу тариқа олмалиқликлар ўз майдонида «Динамо»ни 3:1 ҳисобида мағлубиятга учратиб, муҳим 3 очкога эга бўлди.
Мазкур ғалабадан сўнг ОКМКнинг очкоси 19 тага етди. 10-ўринда бораётган «Динамо» ҳисобида эса 18 очко мавжуд.
Суперлига
19-тур баҳслари
14 сентябрь, шанба
«Қизилқум»—«Насаф» 0:0
ОКМК—«Динамо» 3:1
Голлар: 1:0 — 6 Элгужа Григалашвили, 2:0 — 65 Элгужа Григалашвили, 3:0 — 73 Жасур Ҳакимов, 3:1 — 87 Амиржон СафаровЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)