Ўзбекистонда 2018 йил 1 апрелдан 2019 йил 1 августгача жисмоний шахслар мобил дастурлар орқали 668,4 миллион доллар сотиб олди, деб ёзмоқда Spot.
Бу ҳақда Марказий банкнинг 10 сентябрь куни Ахборот ва оммавий коммуникациялар агентлигида бўлиб ўтган брифингида маълум қилинди.
Ўзбекистонда 2018 йилнинг март ойи охирида онлайн конвенсияга рухсат берилган, апрель ойи бошларида эса бу хизматни 9 та банк тақдим этишни бошлаганди. Келгусида уларнинг сони ортишда давом этган.
2018 йил бошида омонатларни масофадан туриб очиш ва ёпишга рухсат берилди ва июнь ойида бундай хизматлар аллақачон 13 банкда мавжуд эди.
Шунингдек, матбуот анжуманида 1,5 йил давомида ўзбекистонликлар онлайн равишда омонатларга 459,4 миллиард сўм жойлаштирганлиги ва 238,2 миллиард сўмлик кредитлар олганлиги маълум бўлди.
Изоҳ (0)