2020 йил 1 январгача Қорақалпоғистон Республикаси, вилоятларда камида иккитадан ва Тошкент шаҳрида камида бешта экспериментал нотариал идора ташкил этилади. Бу Президент Шавкат Мирзиёев томонидан имзоланган «Ўзбекистон Республикасида нотариат тизимини тубдан ислоҳ қилиш чора-тадбирлари тўғрисида»ги фармонда кўзда тутилган.
Ушбу идораларда қуйидагилар жорий этилади:- мол-мулкни тасарруф этиш билан боғлиқ бўлмаган битимларни тасдиқлаш, ижро хатларини ёзиш, ҳужжатларнинг бир тилдан бошқа тилга тўғри таржима қилинганлигини шаҳодатлаш электрон рақамли имзодан фойдаланган ҳолда расмийлаштирилади;
- аризалар электрон рақамли имзодан фойдаланган ҳолда ҳамда видеоконференсалоқа орқали расмийлаштирилади.
2024 йил 1 январга қадар нотариал архивда сақланаётган кўчмас мулкка бўлган ҳуқуқни вужудга келтирувчи битимлар рақамли кўринишга ўтказилади.
Изоҳ (0)