2020-yil 1-yanvargacha Qoraqalpog‘iston Respublikasi, viloyatlarda kamida ikkitadan va Toshkent shahrida kamida beshta eksperimental notarial idora tashkil etiladi. Bu Prezident Shavkat Mirziyoyev tomonidan imzolangan “O‘zbekiston Respublikasida notariat tizimini tubdan isloh qilish chora-tadbirlari to‘g‘risida”gi farmonda ko‘zda tutilgan.
Ushbu idoralarda quyidagilar joriy etiladi:- mol-mulkni tasarruf etish bilan bog‘liq bo‘lmagan bitimlarni tasdiqlash, ijro xatlarini yozish, hujjatlarning bir tildan boshqa tilga to‘g‘ri tarjima qilinganligini shahodatlash elektron raqamli imzodan foydalangan holda rasmiylashtiriladi;
- arizalar elektron raqamli imzodan foydalangan holda hamda videokonferensaloqa orqali rasmiylashtiriladi.
2024-yil 1-yanvarga qadar notarial arxivda saqlanayotgan ko‘chmas mulkka bo‘lgan huquqni vujudga keltiruvchi bitimlar raqamli ko‘rinishga o‘tkaziladi.
Izoh (0)