Президент Шавкат Мирзиёев «Ўзбекистон Республикасида нотариат тизимини тубдан ислоҳ қилиш чора-тадбирлари тўғрисида»ги фармонни имзолади. Адлия вазирлигининг хабар беришича, фармонга мувофиқ 2020 йил 1 январдан қуйидаги янги нотариал ҳаракатлар жорий этилади.
Жумладан:- фуқаролик-ҳуқуқий муносабатларда судгача бўлган жараёнда далилларни таъминлаш;
- мулкий ва мерос масалаларида медиатор вазифаларини бажариш;
- муаллифлик ва турдош ҳуқуқ обе ктининг тақдим этилган вақтини тасдиқлаш.
- кўчмас мулклар бўйича битимларни нотариал тасдиқлашда МИБнинг ваколатларига кирадиган коммунал хизматлар бўйича қарздорликлар ҳақида маълумотлар фақат Бюронинг ахборот тизими орқали онлайн режимда текширилади;
- агар тарафлар турли ҳудудларда бўлса, ўша ҳудудаги нотариал идорада туриб видеоконференсалоқа орқали битимларни нотариал тасдиқлаши мумкин;
- очиқ ахборот тизимидаги айрим ҳужжатларнинг электрон шакли мулкни бегоналаштириш билан боғлиқ бўлмаган ҳаракатларни амалга оширишда ҳужжатнинг қоғоз шакли билан тенг ҳуқуқий кучга эга бўлади;
- республика ҳудудида нотариал тасдиқланган аризалар, ижара шартномалари ва ишончномалар нотариусга тақдим этилмасдан туриб, уларни ноёб рақам орқали текшириш мумкин бўлади;
- нотариусга мурожаат этишда электрон навбат олиш ва ҳужжатларни олдиндан тайёрлаб қўйиш хизмати жорий этилади;
- нотариал архивда мавжуд бўлган ҳужжатлар нусхасини Ягона интерактив давлат хизматлари портали орқали олиш имкони яратилади.
Изоҳ (0)