Қозоғистон ун ишлаб чиқарувчилари ўз бизнесини Ўзбекистонга кўчирмоқда

Қозоғистон ун ишлаб чиқарувчилари ўз бизнесини Ўзбекистонга кўчирмоқда. Бу ҳақда Forbes Kazakhstan маълумотларига таяниб, Spot хабар берди.

Гап шундаки, бугунги кунда буғдой нархлари тегирмончилар, дон сотувчилар томонидан эмас, балки Қозоғистоннинг асосий савдо бозорлари — Афғонистон, Ўзбекистон ва Тожикистондаги харидорларга боғлиқ.

Евгений Ган, Қозоғистон донни қайта ишловчилар ва новвойлар иттифоқи президенти

Хабарда қайд этилишича, энди ҳамма нарса Ўзбекистон ҳозирги мавсумда қўшни мамлакатни иккинчи поғонадан суришига олиб келмоқда.

Яна бир сабаблардан бири сифатида Афғонистон бозорида ун учун Қозоғистон билан рақобатлашаётган Покистон бу йил дон ва қайта ишланган маҳсулотларни экспорт қилишни тақиқлагани: бу ерда ҳосил ўтган йилга нисбатан 33 фоизга паст бўлиб, бу озиқ-овқат инқирози хавфини келтириб чиқариши келтирилмоқда.

Ғалла нархларининг юқорилиги билан бир қаторда, Ўзбекистоннинг ўз ун ишлаб чиқарувчиларини қўллаб-қувватлайдиган протекционистик чоралари Афғонистондаги ишларга халақит бермоқда. Қолаверса, бу йил мамлакатда ғалладан яхши ҳосил олинди. Шунингдек, ўзбеклар катта миқдордаги қозоқ буғдойини сотиб олиб, уни уйда қайта ишлашади. Бундан ташқари, уларнинг унлари бир қатор омиллар туфайли Қозоғистондан арзонроқ.

Forbes Kazakhstan маълумотида

• Донни ҚҚСсиз олиб кириш мумкин, импорт қилинган унга эса 20 фоиз солиқ солинади;
• Ўзбекистон орқали Афғонистонга бир тонна транзити Қозоғистон ун ишлаб чиқарувчилари учун 47 долларга, Ўзбекистонлик ишлаб чиқарувчиларнинг шу йўналишдаги транспорт харажатлари эса атиги 22 долларга тушади;
• Ўзбекистоннинг янги президенти 5 йил давомида ўзбек ун ишлаб чиқарувчиларини кўплаб солиқлардан озод қилди;
• Агар бизда ўртача кредит ставкаси 14 фоиз бўлса ва у етти йил муддатга берилса, унда Ўзбекистонда — 4 фоиздан 15 йилгача;
• Бизда электр энергиясининг нархи киловатт учун 20 тенге, Ўзбекистонда эса 10 тенгедан ошмайди;
• У ерда ишчи кучи ҳам икки баравар арзон: бизнинг компаниямизда ўртача иш ҳақи ойига 140 минг тенге, Ўзбекистонда — 80 минг.