Аввал хабар берганимиздек, Ўзбекистонда «Кундалик» электрон журнал ва кундаликлар тизими жорий этилмоқда.
Жорий йил апрель ойида платформа Тошкентдаги айрим умумтаълим мактабларида синовдан ўтди. Сентябрдан эътиборан бошқа мактабларда ҳам қўлланиши кўзда тутилган.
Шу билан бирга, ижтимоий тармоқларда мактаб ўқувчиларининг шахсий маълумотлари сақланадиган тизимда хавфсизлик билан боғлиқ муаммолар мавжудлиги ҳақидаги маълумотлар тарқалмоқда. Уларда болалар билан боғлиқ маълумотларни (исм-шарифи, мактаб, синф ва телефон рақамлари) тизимнинг исталган фойдаланувчиси қўлга киритиши мумкинлиги билдирилган.
‘Кундалик’ ёпиқ тизим ҳисобланади. Унда фақат давлат органлари вакиллари, таълим муассасалари ходимлари, ўқувчилар ва уларнинг ота-оналари рўйхатдан ўтиши мумкин. Маъмурлар тизимга мактаб билан боғлиқ шахсларни рўйхатга асосан киритади. У ерда бошқа давлатдаги ёки таълимга алоқадор бўлмаган фойдаланувчилар йўқ.Ҳилола Иззатованинг маълум қилишича, тизим фойдаланувчилардан телефон рақами, электрон почта, манзил ҳақидаги маълумотларни тўлдириш, фотосини юклаш мажбуриятини талаб қилмайди. Улар буни ихтиёрий амалга ошириши мумкин.Ҳилола Иззатова, «Кундалик» техник қўллаб-қувватлаш хизмати раҳбари
Изоҳ (0)