1 сентябрь, якшанба куни футбол бўйича Англия Премьер лигасининг 4-тури доирасида сўнгги 2 та учрашув якунига етди.
Турнинг марказий ўйинида Унаи Эмери қўл остидаги Лондоннинг «Арсенал» клуби «Эмирейтс» стадионида Маурисио Почеттино бошлиқ Лондоннинг бошқа бир жамоаси «Тоттенҳэм»ни қабул қилди.
Беллашув давомида «шпорлар» вакиллари Кристиан Эриксен (10) ҳамда Ҳарри Кейн (40, пенальти) томонидан урилган голларга майдон эгалари Александр Ляказетт (45) ва Пьер-Эмерик Обамеянгнинг (71) голлари билан жавоб қайтарди.
Шу тариқа ўйин 2:2 ҳисобида ўз ниҳоясига етди ва томонлар бир очкодан бўлишиб олди.
Мазкур турдан сўнг «тўпчилар» очколари сонини 7 тага етказиб, мусобақа жадвалида 5-ўринни эгаллаб турибди. «Тоттенҳэм» эса 5 очко билан 9-ўриндан жой олди.
4-тур якунига кўра мусобақа жадвалидаги ҳолат:
АПЛ
4-тур баҳслари
1 сентябрь, якшанба
«Эвертон»—«Вулверҳэмптон» 3:2
Голлар: 1:0 — 5 Ришарлисон, 1:1 — 9 Саисс, 2:1 — 12 Ивоби, 2:2 — 75 Ҳименес, 3:2 — 80 Ришарлисон«Арсенал»—«Тоттенҳэм» 2:2
Голлар: 0:1 — 10 Эриксен, 0:2 — 40, пенальти Кейн, 1:2 — 45 Ляказетт, 2:2 — 71 Обамеянг«Арсенал»: Лено, Колашинац, Папастатопулос, Давид Луиз, Мэйтленд-Найлз, Торрейра (Себальос, 63), Гундузи, Жака, Пепе, Ляказетт (Мхитарян, 67), Обамеянг
«Тоттенҳэм»: Льорис, Роуз, Алдервейрелд, Санчес, Вертонген, Эриксен, Уинкс, Сиссоко, Ламела (Алли, 60), Сон Ҳён Мин (Ло Чельсо, 79), Кейн
Огоҳлантиришлар: Роуз (28), Ламела (32), Эриксен (57), Ляказетт (63), Уинкс (74), Санчес (78), Папастатопулос (87), Жака (90)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)