Навоийнинг Навбаҳор туманида яшовчи 25 ёшли аёлнинг 12 тоннадан ортиқ буғдойи ўғирлаб кетилди.
ИИВ Жамоатчилик ва ОАВ билан алоқалар бошқармасининг хабарига кўра, аёл бу ҳақда 24 август куни ИИБга мурожаат қилган.
Маълум бўлишича, шу йилнинг 1 июлидан 18 августгача бўлган вақт оралиғида номаълум шахслар «Кескантерак» МФЙ ҳудудида жойлашган шу фермер хўжалигига қарашли омборхонага калит танлаш йўли билан кириб, у ердан умумий қиймати 18 750 000 сўмлик 12 500 килограмм буғдойини ўғирлаб кетган.
Кўрилган чоралар натижасида ушбу жиноятни Навбаҳор тумани «Кескантерак» маҳалласида яшовчи 48 ёшли З.М. ва Навбаҳор тумани «Янгиҳаёт» маҳалласида яшовчи 51 ёшли В.Э. содир этгани аниқланиб, ушланган.
Ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)